என் அப்பா எப்பொழுதும் எனது செல்லம்…

என் அப்பா எப்பொழுதும் எனது செல்லம்…
Dad is always great ….

இப்பதிவு வா. மணிகண்டன் அவர்கள் அறிவித்த உங்களைக் கவர்ந்தவரைப்பற்றிய பதிவுகளில்

மசால் தோசை 38 ரூபாய்

    புத்தக வெளியீட்டிற்கான பரிசிற்காக தெரிவு செய்யப்பட்டுள்ளது என்பதனை மகிழ்க்சியுடன் தெரிவிக்கிறேன்.
    http://www.facebook.com/vaa.manikandan
    http://www.nisaptham.com/
    பார்க்க…
    …………………………………………………………………………………………………………
    வழக்கமா எல்லாரும் அம்மாவிற்கே ஓட்டு போடூவார்கள்… அப்பாவின் மீது கரிசனம் இருந்தாலும், நெக்ஸ்ட் டூ மதர் என்ற ரீதியில் தான் கவனம் இருக்கும். என்னைப்பொருத்தவரையில் எனது முதல் கவனம் அனைத்தும் அப்பாவிற்கே சேரும்… ஏன்.. எப்படி? சிம்பிள்… அம்மாவிற்கு நேரமில்லை என்ற ரீதியில் எப்பொழுதும் கவனம் இல்லாமல் தனது பணியைப் பற்றியே சிந்தனை கொண்டு பிள்ளைகளை ஒதுக்கி பணிக்கு முக்கியத்துவம் கொடுத்து ஓடிக்கொண்டே இருந்ததுதான். எத்தனையே மாலை நேரங்களில் பள்ளிவிட்டு வந்தும் வெறுமையான வீட்டை யாருமில்லாத வீட்டின் கதவைத்திறந்து தானே இருப்பதை கொட்டிக்கொள்ளும் பழக்கம், அடுத்த வீட்டில், அன்புடன் மாலைப்பொழுதில் அம்மாவின் கைவண்ணத்துடன் செய்துதரும் சிற்றுண்டிக்கு மணம் ஏங்குகையில், ஓரளவிற்கு மனதை அறிந்தவாறாக, அப்பா ஆபந்பாந்தவாறாக வந்து சேர்கிறார் கையில் அய்யர் கடை தோசை, சுவையான சாம்பார் சட்னியுடன்… அப்பப்பர் அந்த தருணங்கள் உண்மையில் தற்சமயம் 5 ஸ்டார் ஓட்டலில் கிடைக்கும் விருந்தைவிட மகிழ்ச்சியை அளித்தது.
    bbb
    சைக்கிள் விட தெரியாத காலத்தில் தைரியமூட்டி, கீழே விழுந்ததாலும் காயங்களுக்கு மருந்துப்போட்டு தெம்பாக சைக்கிளை ஓட்டச் சொல்லி, குரங்குபிடல் போட்டாவது தெருவை மட்டுமல்ல, கடைவீதிக்கும் போய்ட்டுவா ராசா என அனுப்பிவைப்பதில் அப்பாவிற்கு நிகர் அப்பாவே… கூடுமானவரை பள்ளிக்கூடங்களுக்கு கொண்டு வந்து விட்டு செல்ல முடியவில்லையென்றாலும், அக்கறையாக பள்ளியில்நடந்ததைப் பற்றி கேட்டறிந்து, வகுப்பு ஆசிரியரை கண்டிப்பாக ஒருமுறையாவது நேரில் சந்தித்து ( இப்பொழுது போல் பேரண்ட்ஸ் மீட்டிங் கட்டாயம் இல்லை அப்பொழுது ) பையனைப்பற்றியும், சேர்மானம் பற்றியும் விசாரித்து வைத்துக்கொள்வார். இருந்தாலும் நாமெல்லாம் மனிதர்கள்தானே, மனம் குரங்குபோல் இஷ்டத்திற்கு யோசித்து… அப்படி இப்படி பசங்களுடன் இணைந்து கட் அடித்துவிட்டு சினிமாவிற்கு செல்வதும், அஜால் குஜால் படங்களுக்கு எப்படியாவது சென்று விடுவ்தும், தெரு அண்ணாக்களுடன் இணைந்து பாட்டீல் துளிகளை முகர்ந்தும், அப்பாவிற்கு அரசல் புரசலாக தெரிந்தாலும், இதெல்லாம் ஆம்பளைகள் வாழ்வில் சகஜம் என்று தானே திருந்திவிடுவான் என நம்பிக்கையுடன் காத்திருந்ததும்… அப்பப்பா….
    aaa
    டூவீலர் ஓட்ட கற்றுக்கொடுத்து பெட்ரோலுடன் வண்டியையும் கொடுத்து, ஊர்சுற்றினாலும் வருத்தப்படாமலும்… விடலைக் காதல் நேரத்தில் கிடைத்த பெண்ணிடம் கடலை போட்டாலும், கண்டும் காணாமலும் இருந்தது அப்பப்பா…. வேலையை நாமே தேடிக்கொள்ள, தேவைப்பட்ட வைராக்கியம் நம்பிக்கையையும் விதைத்ததில் அப்பாவிற்கு வேறொரு டூப் தேவையில்லை. திருமண வயதில், ஓடி ஓடி கடைசியில் நமக்கே நமக்கே பிடித்த பெண்ணை மட்டுமே கட்டிவைத்ததும், பின்னால் பிரச்சினைகள் உருவானபோது வெட்டு ஒன்று துண்டு ரெண்டு என விடைத்தாலும், இருபக்கமும் சமரசம் பேசி ஒட்ட வைத்துக் கொண்டே இருந்தது.. குழந்தைகள் பிறந்ததும், அன்புடன், ஆசையுடன் எடுத்து சீராட்டியது… பேரக்குழந்தைக்கு மரணவிளிம்பில் ஏற்பட்ட சோகத்தை தாங்காமல் மருத்துமணை ஐசிக்கு வெளியே குலுங்கி குலுங்கி அழுததும்… இன்றும் இதுபோல் அளவிட முடியாத அன்புடன் ஆண்டவனின் அருளுடன் அப்பாவின் அன்பு தொடர்கிறது….
    … சிவபார்க்கவி
    Tamil Blogs Traffic Ranking
    Thenkoodu
    World Tamil Blog Aggregator

    கயல்.. திரை விமர்சனம்

    கயல்.. திரை விமர்சனம்.
    kayal .. tamil film review

    டிசம்பர் 26, ஆழிப்பேரலையின் கோரத்தாண்டவம், இந்த தலைமுறையினாரால் மறக்க இயலாத ஒரு சம்பவம், இந்தத்திரைப்படம் அந்த சம்பவத்தை மையமாக வைத்தே புனையப்பட்டிருக்கிறது. இருப்பினும், ஆரம்பகாட்சிகளில் ஏகமாய் இயற்கை காட்சிகளின் ஊடே பயணித்து, நம்மை ஒரு எதிர்பார்ப்பிற்கு கொண்டு சென்று, மறக்காமல் ஏமாற்றியும் விடுகிறார்கள்.. நாயகன், அவருடைய நண்பர் இருவரும் வழிபோக்கிகள், ஆறுமாதம் ஏதாவது பணிபுரிந்து தேவையான பொருளைச் சேர்த்துக் கொண்டு பிறகு ஆறுமாதம் இந்தியாவில் உள்ள அனைத்து ஊர்களையும் சுற்றிபார்த்து மனதை நிறைக்கும் வாலிப வழிபோக்கிகள்.. வால்பாறையில் இயற்கையை பருகிய கையோட கோயம்புத்தூர் புகைவண்டிநிலையத்தில் காவலர் ஒருவரை கலாய்க்க, அதனால் தீவிரவாதிகள் என முத்திரைக்குத்தி அலைக்கழிக்க போகிறார்கள் என்று பார்த்தால். ஊகும்.. காவல் உயரதிகாரிக்கே பாடம் எடுத்து, ஏகப்பட்ட ( அதாங்க இந்த உலகில் பணம் முக்கியமல்ல… நாம் அனுபவித்த அனபவங்கள், பார்த்த இடங்கள் நினைவுகள், பசுமையான காலஓட்டம் ஆகியவையே முக்கியம் என 15 நிமிடமாக பாடம் சொல்லிக்கொடுத்து நமக்கே போதும் மக்கா,
    y0
    அடுத்து என்ன .. என்று கேட்கும் அளவிற்கு ) கலாய்ப்பிற்கு பின், விடுதலையாகி ஆரல்வாய்மொழி ஊரில் ( கன்னியாகுமரி போகும் வழியில்) கரும்புத்தோட்டத்தில் குளித்து, கரும்பை வெட்டி சாப்பிடும் பொழுது ஒரு இளைஞியும், மூன்று இளைஞர்களும் ஓடிவர, இவர்களைப்பார்த்த அரண்டுபோய் கொண்டுவந்த பையை போட்டுவிட்டுச் செல்ல, அந்த பையை அவர்களைத் துரத்திபிடித்து ஒப்படைத்துவிட்டு திரும்பும்பொழுது, இவர்களை ஒரு ரவுடி கும்பல் துரத்திபிடித்துக் கொண்டுபோய் ஒரு ஜமீன்வீட்டில் அடைத்து கொடுமைப்படுத்த, தூதாக வந்த அந்த வீட்டின் வேலைக்காரி (கயல்)யை பார்த்து கதாநாயகன் அனைவருக்கும் முன்னே காதலைச்சொல்ல, ஜாதிக்கு முக்கியம் தரும் அந்த கிராமத்தினரால் பெட்ரோல் ஊற்றி கொளுத்த இருக்கும் சூழ்நிலையில், காட்சிகள் மாறி கதாநாயகன் மற்றும் நண்பரை விடுதலை செய்ய, கன்னியாகுமரிக்கு செல்கிறார்கள். இடையே, கயல் கதாநாயகன் மேலே காதல் வயப்பட்டு, அந்த வீட்டை விட்டு வெளியேறி கதாநாயகனை சந்திக்க, கன்னியாகுமரி செல்ல, கதாநாயகன் கன்னியாகுமரியில் இருந்து காதலியை கைப்பிடிக்க ஆரல்வாய்மொழிக்க செல்ல, இடையில் நடக்கும் ஜாதிக்கலவரத்தில் இருவரும் ஒரே வாகனத்தில் பயணத்தில் சந்திக்க வாய்ப்பில்லாமல், ஆரல்வாய்மொழிக்கு சென்று காதலி கன்னியாகுமரிக்கு சென்றிருக்கிறார் என்றும் காதலிக்கிறார் என்றும் அறிந்து கன்னியாகுமரிக்கு திரும்பவும் வருகிறார்கள். டிசம்பர் 25, கிருஸ்துமஸ் விழா அன்று அருகருகே காதலனும், காதலியும் இருந்தும் சந்திக்க விடாமல் கூட்டம் அலைமோதி, அடுத்தநாள் காலை டிசம்பர் 26, காலை சுனாமி வருவதற்கு முன் கடல் உள்வாங்க, எதிர்பாராத விதமாக இருவரும் ச்ந்தித்து கொள்கிறார்கள். ஆனால், என்ன செய்ய, அடுத்த சில நிமிடங்களில் சுனாமி வந்து விடுகிறது… ( சுனாமி காட்சி அருமையாக படமாக்கப்பட்டிருக்கிறது ) ஏகப்பட்ட இடிபாடுகளில் சிக்கி, அடிபட்டு ஒரீடத்தில் படுத்திருக்கும் கதாநாயகனை பிணம் என்று எடுத்துசெல்வதைப்பார்க்கும் கயல் கதற, கதறலைக்கேட்ட பிணம் அதாங்க நம்ம கதாநாயகன் முழித்துக்கொண்டு அடித்துபிடித்து ஓடிவந்து கட்டிபிடிக்கிறார்….
    y2
    இந்தப்படத்தைப்பொறுத்த மட்டில் கேமராதான் கதாநாயகன், அப்பா பாலைவனம் ஆகட்டும், பசுமையான சோலைகளாகட்டும், சாதாரண இடிந்த கட்டிடம் ஆகட்டூம், காய்ந்த கரும்புத்தோட்டமாகட்டும், குப்பைமேட்டைக்கூட மிக அழகாக படம்பிடிக்க முடியும் என நிரூபித்திக்கிறார்கள். சபாஷ்.. காவல்துறை மீது என்ன கோபமே தெரியவில்லை எதார்த்தமாக காண்பிக்கும் விதமாக, பயங்கரமாக கலாய்த்திருக்கிறார்கள்… ஆரம்ப காட்சியில் சிக்கிக்கொள்ளும் எல்ஐசி ஏஜெண்ட் மீது நமக்கே பரிதாபம் வந்துவிடுகிறது. லாரிடிரைவவர் வில்லனாக இருக்குமோ என்று கவலைப்பட்டும், அண்ணாவாக மாறிவிடும் தருணம் (அருமை !), போலீஸ் அதிகாரியின் கண்டிப்பு, இளம்பெண்களை சுற்றுலா அழைத்து வந்திருக்கும் குண்டு காமெடி ரொம்ப ஸ்டிரிக்ட் ஆக இருப்பதும், இளம்பெண்கள் பாதுகாப்பு தருவதும், உதவுவதும், தேவையில்லாமல் குடிகார லாட்ஜ் உதவியாளர், என பல கதாபாத்திரங்கள் வந்தும் படத்தை நகர்த்துகிறார்கள். ஆக, கயல் வருட இறுதியில் ஒரு அருமையான காதல் ரசம் சொட்ட சொட்ட மனங்குளிரும் படமே…
    Tamil Blogs Traffic Ranking
    Thenkoodu
    World Tamil Blog Aggregator

    பிசாசு .. திரைவிமர்சனம்.

    பிசாசு .. திரைவிமர்சனம்.
    pisasu .. tamil film review
    ஆரம்பமே ஒரு அழகான பெண் விபத்தில் சிக்கி தலையில் அடிப்ட்டவாறு தெருவில் கிடக்க, ஒரு இளைஞர் மற்றும் சிலர் சேர்ந்து எடுத்துக்கொண்டு மருத்துவமணை செல்கிறார்கள். மருத்துவமனையில் வாயிலேயே, பெண் இறந்துவிட இறக்கும்போது உதவிக்கு வந்த இளைஞனின் கையை கெட்டியாக பிடித்துக்கொண்டு இறந்து விடுகிறார். பிறகு சிறிது நாட்கள் கழித்து, அந்த இளைஞனி இருப்பிடம் ( சாதரணமாக வயலின் வாசிக்கும் கலைஞன், அவ்வளவு ரிச்சான அப்பார்ட்மெண்டில் தங்கியிருப்பது கொஞ்சம் இடிக்கிறது ) நோக்கி இறந்த பெண் ஆவியாக வந்து சில்மிஷம் செய்கிறது ( ஆனால், நல்லவிதமாக ), டெரராகும் இளைஞன் ( மூஞ்சியை கடைசிவரைக்கும் காண்பிக்காமல், தலைமுடியைப் போட்டு போர்த்திக்கொண்டு .. நமக்கே எரிச்சலாக வருகிறது ) இதற்கான காரணத்தை நண்பர்களுடன் ஆராயப்போக, பெண்ணின் உடலை எரிக்காமல் புதைக்கப்பட்டதும் விபத்திற்கு காரணமானவரை பழிவாங்கவே வந்திருக்கிறது என்று தெரிந்துகொள்கிறார்.
    a1
    பெண்ணின் பாசமான அப்பா, ஐஸ்பாக்டரி வைத்திருப்பதால், பெண்ணினின் ஆவியும் அங்கேயே குடியிருக்கிறது… அதற்கு அப்பாவும் ஒரு காரணமாகிறார்… கடைசியில் விபத்தை செய்தவரை கண்டுபிடித்தும், அப்பா கேட்டுக்கொள்வதற்கு இணங்கவும், பெண்ணின் ஆவி காருடன் எரிந்து சாம்பலாகிறது. பிசாசைக் கண்டுபிடிக்க வரும் கார்ப்பரேட் டீமை, பிராடு டீம் என்று நமக்கே தெரிகிறது, பிசாசு தன்பங்குக்கு கொஞ்சம் போட்டு அனுப்புகிறது. அதேபோல், பெண்ணடிமை செய்யும் ஒருவரையும் தலைகீழாக போட்டு உதைக்கிறது.
    a0
    வழக்கம்போல், அப்பார்ட்மெண்டில் திகில் காட்சிகளும், வயலின் மூலமே திகிலை உருவாக்க முயன்றிருக்கிறார் மிஷ்கின் டீம்.. இவருடைய முந்தைய படங்கள் நன்றாக இருந்தும் சரியாக போகவில்லை என்ற வருத்தத்தில் இருப்பார் போல, இந்த முறை பேயைவைத்து கும்பலை கூட்டுகிறார். கொஞ்சமாக ஜெயிக்கவும் செய்திருக்கிறார்.. காட்சிகள், கோணங்கள், குறைவான இடங்ககைளே திரும்பி திரும்பி வந்தாலும் அலுக்க வில்லை.. இறுதிகாட்சிவரை இயல்பாகவே பிசாசை காண்பித்திருந்தாலும், கொஞ்சமாக உருவமாக கடைசியில் காண்பிப்பது ஏற்றுக்கொள்ள இயலாது.. எனினும், பிசாசைத்தவிர, இதர கதாபாத்திரங்களும் நன்றாக நடித்திருக்கிறார்கள். பிசாசைப் பார்க்கலாம்…
    Tamil Blogs Traffic Ranking
    Thenkoodu
    World Tamil Blog Aggregator

    நன்றி சொல்ல உனக்கு… வார்த்தைகளில்லை எனக்கு

    நன்றி சொல்ல உனக்கு… வார்த்தைகளில்லை எனக்கு
    Thanks a Lot ..My good Viewers..
    3yrs
    இந்த பிளாக் 3 வருடங்களாக 1 லட்சம் பார்வைகளுக்கும் மேல் 115 நாடுகளைச் சேர்ந்தவர்கள் தொடர்ந்து ஆதரவினைத் தெரிவித்தற்கு நன்றி.. சிவபார்க்கவி.
    a1

    Tamil Blogs Traffic Ranking
    More than a Blog Aggregator
    Thiratti.com Tamil Blog Aggregator
    Thenkoodu

    வேல்முருகன் போர்வெல்ஸ்

    வேல்முருகன் போர்வெல்ஸ்
    Velmurugan Borewells .. Tamil Film Review

    பொருத்து பார்த்து சும்மா இருந்த கஞ்சா கருப்பு தன் சொந்த காசைப் போட்டு கிட்டத்தட்ட உறீரோ கணக்காக இந்த வேல்முருகன் போல்வெல்ஸ் படத்தை நடித்து வெளியிட்டிருக்கிறார். தன் கூட சுமார் அரை டஜன் காமெடி நடிகர்களையும் சேர்த்துக் கொண்டு, பேருக்கு ஒரு உறீரோ, உறீரோயின் என விடலை காதலையும் இணைத்து தன் சொந்த ஊரான சிவகங்கை, காளையார்கோவில் போன்ற இடங்களிலும், கிட்டத்தட்ட ஒரு கிராமத்தில் முக்கா படத்தையும் இடை இடையே மசாலாவாக கவர்ச்சி, பாடல், சிரிப்பு என மண்ணின் மணம் கமிழ வெளியிடப்பட்டிருக்கிறது.
    a1
    சிவகங்கையை சுற்றி உள்ள வானம் பார்த்த பூமிகளில் சொற்ப காசிற்கு போர்வெல் அமைத்து தண்ணீர் வசதி ஏற்படுத்தி நன்றாக பணம் பண்னுகிறார் கஞ்சா கருப்பு, இவருக்கு உதவியாக அரைடஜன் காமெடி நடிகர்களும் சேர்ந்து பயணிக்கிறார்கள். போர்வெல் ஆப்பரேட்டர் தான் உறீரோ, தற்செயலாக டிவி புராகிராம் பார்கையில் ஒரு பெண் நன்றாக பேசுவதைப்பார்த்து கண்டதும் காதாலாகிறது. சந்தர்ப்ப வசத்தால் அந்தபெண்னுக்கு உதவப்போக, அவருடைய ஊர் பெயர் தெரிய வருகிறது. ஓனர் கஞ்சா கருப்பு ஆந்திராவிற்கு போனசந்தர்ப்பத்தில், காதலியின் (ஒருதலை) ஊரில் போர்வெல் அமைத்து தண்ணீர் வசதி ஏற்படுத்தி தந்தால், காதலை வளர்க்கலாம் என எண்ணி காதலி ஊருக்கு சென்று போர்வெல் போட்டு தண்ணீர் வசதி செய்கிறார்கள். தண்ணீர் இல்லாத ஊரில் தண்ணீர் வசதியைக்கண்ட பெண்கள் தங்களுக்குள்ளே அடித்துக்கொள்ள, அது ஊரே சேர்ந்து நடத்தும் யுத்தம்போல் ஆகிவிட, இவர்கள் போர்வெல் வண்டியை எடுத்துக்கொண்டு கிளம்ப, 5 பேருக்கு பலத்த காயம் ஏற்படுகிறது. பஞ்சாயத்து வைத்து 5 பேரின் காயம் ஆறும்வரை வண்டியையும், இவர்களையும் சிறைபிடிக்க வேறுவழியில்லாமல் ஊரில் வேலை செய்து கொண்டிருக்கிறார்கள். ஓணர் திரும்பிவந்ததும், செல்போனிலேயே டபாய்த்து காலம் கடத்துகிறார்கள். ஓணர் கண்டுபிடித்து இவர்களுடன் சேர்ந்து கொள்ள, மழைவந்து வெள்ளத்திலிருந்து ( தேவர்மகனில் வருமே அதுமாதிரி ) ஊர்காரர்களை காப்பாற்றி விடுவதால், காதலே கூடாது என தடைசெய்யப்பட்டிருக்கும் கிராமத்தில், ஊர்பெரிய மனிதர் முன்வந்து காதலை வாழவைப்பதே கதை.
    a2
    பாடல்கள் நன்றாக இருக்கிறது.. பிண்ணனி இசைதான் சமயத்தில் கொஞ்சம் இழுவை… மண்ணின் வாசத்தை அப்படியே பாரதிராஜாபோல் அள்ளிக்கொண்டு வந்திருக்கிறார்கள் கஞ்சா கருப்பு டீம். பார்க்கலாம்..
    Tamil Blogs Traffic Ranking
    More than a Blog Aggregator
    Thiratti.com Tamil Blog Aggregator
    Thenkoodu

    நாய்கள் ஜாக்கிரதை… திரை விமர்சனம்.

    நாய்கள் ஜாக்கிரதை… திரை விமர்சனம்.
    naaikal jakkirathai … Tamil Film Review

    சிறுவயதில் ஆட்டுக்கார அலமேலுக்கு கூட்டிப்போக சொல்லி அடம்பிடிக்க, எங்க மாமா வீட்டில் காசு வாங்கிட்டு அப்படியே ஆட்டுக்கார அலுமேலு தியேட்டர் கூட்டிபோய், ஒரே கூட்டமாக இருக்கிறது என காண்பித்து, பக்கத்து தியேட்டரில் ஜெய்சங்கர் நடித்த டாக்ஸி டிரைவர் ( அதிரடி திரைப்படம் அப்பொழுது ) கூட்டி சென்றது இன்னும் நினைவிருக்கிறது. சிபி சத்யராஜ், நடுவில் காணாமல் போயிருந்தாலும், உட்கார்ந்து யோசித்து ஒரு உறிட் கொடுத்திருக்கிறார் தற்சமயம் ஐடா நாயுடன்,
    கதை இதுதான், சிபியும், இன்னொரு இளவயது போலீஸ் அலுவலர்களும் ஜாலியாக கோயம்புத்தூரில் பணிபுரிகிறார்கள்.. மாமூல் கூட வாங்குவது இல்லை. அப்படி இருக்கையில் சத்யமங்கலம் செல்லும்வழியில் உள்ள கைவிடப்பட்ட பாக்டரியில் ஒரு பெண்ணின் அலறல் கேட்டதாக, ஒரு லாரி டிரைவர் சொல்ல, இருவரும் அங்கே செல்கிறார்கள் நடந்த சண்டையில் போலீஸ் நண்பரை கைதவறி சிபி சுட்டுவிட இறந்துவிடுகிறார். வில்லன் கோஸ்டி 2 மாதங்கழித்து சிபியின் காதலியை கடத்தி வைத்து மண்ணில் பெட்டியில் வைத்து புதைத்து வெப்கேமரா மூலம் லைவ் ஆக இறப்பதை பார்க்க வழியும் செய்துவிடுகிறது. கூட்டிகழித்து கணக்கு போட்டு சுமார் 6 மணி நேரத்திற்குள் பெட்டியை மீட்க கெடு நிர்ணயிக்கப்படுகிறது.
    a1
    இதற்கு முன்னரே, போலீஸ் நண்பரை சுட்டுவிடுவதால், சஸ்பென்ட்டில் வீட்டில் குடித்துகொண்டே பொழுது போக்குபவரிடம் பக்கத்து வீட்டு மிலிட்டரி ஜெனரல் தன்னுடைய நாயை மிலிட்டரி நாயை 4 நாட்களுக்கு பார்த்துகொள்ள சொல்லி சென்றாலும், நாயை அடித்து விரட்டிவிடுகிறார். மறுநாள், தெருப்பையன்கள் நாயின் கூண்டுக்குள் வெடியை கொளுத்திபோட, சிபி போதையிலேயே போய் நாயை காப்பாற்ற, அதற்குப்பின் நாய் சிபியை எஜமானராக ஏற்று ( மிலிட்டரி ஜெனரல் இறந்துவிடுவதால் ) வீட்டை இரணகளம் செய்தாலும் நண்பராகிறது. கடத்திசெல்லப்பட்ட காதலி ஊட்டியில் புதைக்கப்பட்டிருப்பது தெரிந்து, நாய் சகிதம் ஊட்டி சென்று அடி வாங்கி அடி கொடுத்து கடைசியில் நாயை பறிகொடுத்து காதலியை மீட்பதே கதை.
    a2
    மனோவும், சிறிய பையனும் சேர்ந்து சிபியை கலாய்ப்பது அருமை. இசையும், கேமராவும் அலுப்பில்லாமல் பார்க்கவும், நன்றாக பழக்கப்பட்ட நாய் சிபியை விட நன்றாக நடிக்கிறது. இதேபோல் தொடர்ந்து நா.ஜா,,2,3,4 ன்னு பல படங்கள் எடுக்கலாம்.. குடும்பத்துடன் நீண்டநாளுக்குபின் குழந்தைகள் குதுகலமாக வெளியில் மழை பொழிய உள்ளே ஏசி நடுங்க டால்பிஅட்மோஸ் மழை பெய்யும் ஒலியை ஒலிக்க பிளாக்பாரஸ்ட் கேக்கும், பெப்சி கப்பும் கைகளில் தவழ… சிகப்பு காந்தி நோட் ஒன்று முழுக்க காலியாக அவசியம் நீங்களும் பாத்துடட்டு நாம ஜாக்கிரதைன்னு சொல்லாம்.
    Tamil Blogs Traffic Ranking
    More than a Blog Aggregator
    Thiratti.com Tamil Blog Aggregator
    Thenkoodu

    தீபாவளி வாழ்த்துக்கள் … தமிழா தமிழா … நாளும் உனதுநாளே

    தீபாவளி வாழ்த்துக்கள் .. Deepavali Greetings….

    அன்பார்ந்த பிளாகர்களை வளரவைக்கும் தமிழ் நெஞ்சங்களே ( பிறமொழி நெஞ்சங்களே கூகிள் டிரான்ஸ்லேட் உதவியுடன் எந்த மொழிகாரரும் நமது பிளாக்கை படித்து விடுகிறார் ) உங்கள் அனைவருக்கும் சிங்கிள் டீ குடித்தாலும், தெம்பாக தமிழில் உரையாடும் நமது பரம்பரைகளே, அலுவலகத்தில் அமர்ந்து பிளாக்களை ஒன்றுவிடாமல் மேய்ந்துவிடும் அன்பு நண்பர்களே… 111 நாடுகளை சேர்ந்தவர்களே ( மீதி எங்கப்பா ? ) எல்லாருக்கும் உறுதியுடன் ஆணையிட்டு ஒன்றே ஒன்று சொல்கிறேன்.
    deepavali-greetings

    Tamil Blogs Traffic Ranking
    More than a Blog Aggregator
    Thiratti.com Tamil Blog Aggregator
    Thenkoodu

    துலாஸ்தானம்… ஐப்பசியில் ஒரு வரப்பிரசாதம்..

    துலாஸ்தானம்… ஐப்பசியில் ஒரு வரப்பிரசாதம்..
    Thulasthanam ..
    ஆன்மீகத்தில் அளவில்லாத நம்பிக்கையும், இந்திய பாராம்பரிய மிக்க பழக்கவழக்கங்களையும், நடைமுறைகளையும் நன்றாக பயன்படுத்திக் கொண்டிருக்கும் இந்த தேசத்தின் மைந்தர்களே… வணக்கம்.. இந்த அக்டோபர் மாதம், நமக்கு பல நல்ல விஷயங்களை கொண்டுவருகிறது.. முதல் வாரமே அமோகமாக லஷ்மி/சரஸ்வதி பூஜைகள் செய்திருப்போம். காந்தி அடிகளின் பிறந்தநாளை கீளின் இந்தியா திட்டம் பிரதம மந்திரி திரு. மோடி அவர்களால் தொடங்கப்பட்டுள்ளது. இதுகுறித்த படங்களை காண http://sbupdates.mygov.in/ செல்லவும்.
    1
    அடுத்து வரும் தீப ஒளித்திருநாள் அனைவருக்கும் இன்பம் பொங்கும் ஒரு மகிழ்ச்சிகரமான விழா… இந்த ஐப்பசி மாத்த்தில் தான் துலாஸ்தானம் வருகிறது. அதாவது நதிகள் ஓடிக்கொண்டிருக்கும் கரையில் உள்ள கோயில் உள்ள ஸ்தலமாக, குறிப்பாக கரூர்/ஈரோடு மார்க்கத்தில் உள்ள கொடுமுடியில் நதியில் குளித்து கரையில் உள்ள வன்னிமரத்தினடியில் அமைந்துள்ள கடவுளை 21 முறை பயபக்தியுடன் சுற்றிவரும் பட்சத்தில் ஒவ்வொருவரின் கர்மவினைகள் தீமைகள் குறைந்து நன்மைகள் நடக்கவும், விருப்பங்கள் நிறைவேறவும் வாய்ப்பாகும் என, ஒரு பிரபல ஜோதிடர் தெரிவித்துள்ளார்.
    Tamil Blogs Traffic Ranking
    More than a Blog Aggregator
    Thiratti.com Tamil Blog Aggregator
    Thenkoodu

    வீடு பாதியில் நிற்கிறதா… ஜோதிட டிப்ஸ்

    வீடு பாதியில் நிற்கிறதா… ஜோதிட டிப்ஸ்
    house construction stoped … Jothida Remedy

    ஒரு சிலருக்கு செவ்வாய் மற்றும் சுக்கிரன் அருளால், சிறப்பான மனைவியும் மனையும் அமைந்து நினைத்த மாதிரி நினைத்த
    இடத்தில் வீடு கட்டும் யோகம் செயல்பட்டு, சிறப்பான வீட்டைக் கட்டி முடித்துவிடுவர்…
    a2
    1. சிலரால் தாம் ஆசைப்பட்டவாறு வீட்டை கட்டி முடிக்க இயலாது.
    2.வீட்டைக்கட்டியும் அந்த வீட்டில் குடியிருக்க வாய்ப்பு அமையாது.
    3.வீடு ராசி இல்லாமல் இருத்தல்
    4.வாஸ்து பிரச்சினை போன்று
    5.வீட்டினால் கடன்பிரச்சினைகள் தொடர்தல்

    https://drive.google.com/file/d/0B9DGbIqH0NUORzFZU3RMVVhwUHc/edit?usp=sharing
    மொபைல் போன்மூலம் கூட டவுன்லோடு செய்து கேட்கலாம்.

    என சிலகாரணங்கள் ஏற்பட்டால், அதனை சரிசெய்ய ஜோதிடரால் பரிந்துரை செய்யப்பட்ட
    ஆலய தரிசனம் மற்றும் அங்கிருந்து ஒரு சிறுகல் பெற்று வந்து வீடு வேலையில் கலந்து விட்டால்,
    பிரச்சினைகள் தீரும் என தெரிவிக்கிறார்.. தேவைப்படுபவர்கள் முயற்ச்சிக்கலாம்.

    நன்றி. ஜோதிடர்.
    a1

    Tamil Blogs Traffic Ranking
    More than a Blog Aggregator
    Thiratti.com Tamil Blog Aggregator
    Thenkoodu

    மஉறாலயச பட்சம் அமாவாசை ..அனைத்து ராசிகளுக்கும் பரிகாரங்கள்

    மஉறாலயச பட்சம் அமாவாசை ..அனைத்து ராசிகளுக்கும் பரிகாரங்கள்
    MAHALAYA PATCHAM – AMMAVASAI – ALL RASI PARIKARANGAL
    வருகிற அமாவாசை மிக சிறப்பான ஒன்றாகும்.. ஆன்மீக வாதிகளே, இந்த அமாவாசை
    அன்றும் தொடர்கிற நவராத்தி நாட்களிலும் அனைத்து ராசிகளைச் சேர்ந்தவர்களுக்கான பரிகாரங்கள் இங்கே ஒரு ஜோதிடரால் அழகாக சொல்லப்பட்டிருக்கிறது.
    a1
    கதை.. மகாபாரப் போரில் கர்ணன் கொல்லப்பட்டு மேலுலகிற்கு செல்கிறார், அப்பொழுது எமதர்மன் விடுப்பில் (?) இருந்ததால், இந்திரனே எமதர்மனின் பொறுப்பில் இருக்கிறார். கர்ணனை சொர்க்கத்திற்கு அழைத்து செல்கிறார்கள்,உணவருந்த தட்டில் வைரமும், தங்கமும் வைடூரியமும் தறுகிறார்கள். அதைக்கண்டு செறுக்குற்ற கர்ணன், இந்திரனிடம்முறையிட, இந்திரனோ, நீங்கள் எவ்வளவோ தான தர்மங்கள் செய்திருந்தாலும், உன் முன்னோர்க்குண்டான முறையான திதிகளையும் பித்ரு பூஜைகளை செய்யாததல் உணக்கு இதுதான் வாய்த்திருக்கிறது. எனினும், நீ இந்த மஉறாலய பட்சக் காலத்தில் பித்ருக்களுக்கு செய்யவேண்டிய தர்பணைகளை செய்துவிட்டு வந்தால், மீண்டும் பாவங்கள் நீங்கி உணவு கிடைக்கஏற்பாடு செய்கிறேன் என்றாராம்.

    https://drive.google.com/file/d/0B9DGbIqH0NUOZlRCLTdOZjJwUDg/edit?usp=sharing

    நாம் அனைவரும் ஓடிக்கொண்டே இருக்கிறோம், பித்ருவாவது சத்ருவாவது ஆனால், உண்மையில் முன்னோர்களை வழிபடுபவர்களும், பெரியோர்களை மதிப்பவர்களுக்கும் பல பிரச்சினைகளில் இருந்து விடுதலை கிடைக்கிறது. திருட்டு பயம், கொள்ளை, நோய்கள், விபத்துகள், முன்னேற்றமின்மை போன்றவைகளிலுந்து தப்ப இந்த ஆடியோ பைலில் குறிப்பிட்டுள்ளவாறு அவரவர் ராசிகளுக்கு ஏற்பதேவைப்படும் பரிகாரங்களை செய்து கொள்ளலாம்.
    a2
    நன்றி.. மேற்கண்ட உரையை நிகழ்த்திய ஜோதிடருக்கு

    Tamil Blogs Traffic Ranking
    More than a Blog Aggregator
    Thiratti.com Tamil Blog Aggregator
    Thenkoodu