ஸ்ரீரங்கம் டூ சென்னை …. பகுதி 1

ஸ்ரீரங்கம் டூ சென்னை ….
Srirangam to Chennai …. Part 1
காலை வழக்கத்தைவிட மேகம் மூட்டமாக இருக்கும்போதே, காலை 6.20க்கே திருவரங்கம் ரயில் நிலையத்தை அடைந்துவிட்டேன். செம கூட்டம், அதிலும் மேல்மருவத்தூரில் ஏதோ விஷேசம் போலிருக்கிறது ஆண்களும், பெண்களும் சிவப்புஉடையுடன் கும்பல் கும்பலாக வந்தவண்ணமிருந்தனர். ஆங்காங்கே நாமம் போட்ட தாத்தாக்களும், மாமிகளும் கூட்டத்திலிருந்தனர். ரயில் நிலையத்தில் உள்ளே, சூடாகவும் தரமாகவும் ( ரயில் இன்ஜின் டிரைவர்களே வண்டியில் இருந்து குதித்து டிபன் வாங்கிகொண்டு மீண்டும் ஓடிப்போய் ரயிலில் ஏறிக்கொள்வார்கள் ) விலை குறைவாகவும் 3 இட்லி 1 வடை ரூ.15 என்ற ரேஞ்சில் இருக்கும். நானும் காலை உணவிற்காக வாங்கிக்கொண்டு (தமிழ் இந்துவுடன்) காத்திருந்தேன். நெட் மூலம் ரிசர்வ் செய்திருந்தால் எஸ்எம்எஸ் மூலம் வரப்பெற்றதை பார்த்து டி3 கோச் நிற்கும் இடத்தில் காத்திருந்தேன்.
t1
ரயிலும் சரியான நேரத்திற்கு வந்தது. ஓடிப்போய் எனது சீட்டைப் பார்த்தால் யாரோ உட்கார்ந்திருந்தார்கள். சரி எஸ்எம்எஸ்ஸை சரிபார்க்கலாம் எனஎடுத்து பார்த்தால் டி13 கோச் எனப் போட்டிருந்தது. ஆகா, சிக்கிட்டோம்டான்னு, இறங்கி ஓடுனேன் ஓடுனேன் கடைசியில் இருந்தது. நடுவில் பல பெட்டிகள் எஸ்1 எஸ்2 என இணைத்திருந்தனர். டி10 வரும்பொழுதே வண்டி நகர ஆரம்பிக்க, ஜெர்க் ஆகி கொஞ்சம் வேகமாக ஓடி ஒருவழியாக டி12ல் ஏறி டி13க்கு சென்றால், அப்பவும் 101 சீட்டில் யாரோ உட்கார்ந்திருந்தார்கள் என்னடா வம்பு இன்றைக்குன்னு நினைத்து சார் இது ரிசர்வ் செய்திருக்கிறேன் என கூறியவுடன் அந்தநபர் எழுந்து கொண்டார். அப்புறம்தான் தெரிந்தது 100ல் ஒரு குண்டான கணவானும், 102ல் ஒரு செம குண்டான பெண்னும் அமர்ந்திருந்தார்கள்.. கொஞ்சம் கூட இடம் தரவில்லை எப்படியோ சமாளித்து பார்த்தும் முடியல சாமி… அப்படி ஒரு நெருக்கடி தருகிறார்கள் இருபுறமும். அரியலூர் வந்தவுடன், குண்டு ஆசாமி இறங்கிக் கொண்டார். அப்பாடா பிரீன்னு அடுத்த 45 நிமிடத்தில் விருத்தாசலம் வந்தவுடன் பார்த்தால், அதைவிட குண்டாக ஏறி அருகே அமர்ந்தார் பாருங்கள்.. ஒரே இடிதாங்கல்தான்….
t2
இந்து பேப்பர் படித்துவிட்டு சுற்றுக்கு விட்டதுதான் எக்மோரில் இறங்கும்போது கசங்கி கிழிந்துவிடும் நிலைக்கு வந்துவிட்டது. வழியில் ரயில் பணியாளர்கள் 50 முறையாவது காபி குடிக்கவோ, சம்சா சாப்பிடவோ கூவிக்கொண்டே இருக்கிறார்கள். இதைத்தவிர பிரைவேட் வெண்டார்கள் கடலை, சுண்டல், வாழைப்பழம், பேணா, பொம்மை என சகலமும் விற்பனை செய்து வருகிறார்கள். டிடிஆர் வந்து செக் செய்யும் பொழுது, மொபைலை காண்பித்தால், உடனே வேண்டாவெறுப்பாக பார்த்தும் பார்க்கமலும் திருப்பிக் கொடுத்தார்.
பயணிகளை நோட்டமிட்டதில், பெரும்பாலும் தங்கள் அலுவல்/பிஸினஸ் விஷயமாகவோ, வயதானவர்கள் தங்கள் பெண்னோ/பையன் வீட்டிற்கோ செல்வது தெரிகிறது. குழந்தைகள் தங்கள் பாட்டி/தாத்தா வீட்டிற்கு வந்துவிட்டு திரும்பிசெல்வது தெரிகிறது. ரயில் அதிகமாக இடைவிடாமல் ஓடிக்கொண்டே இருப்பதாலும், படுகேவலாமாக பராமரிக்கப்படுகிறது. ஒரே அழுக்கு, அதுவும் டாய்லெட் படுமோசம். ஆனாலும், ஏழைஎளியவர்களுக்கு பயணிக்க இந்த ரயிலை விட்டால் வேற வழியில்லை.. விழுப்புரம்த்தில் கும்பலாக இறங்கி சாப்பிட தேவையானவைகளை வேட்டையாடுவதுபோல் சேகரித்துக் கொள்கிறார்கள்.
திண்டிவணம் தாண்டியதும் வண்டி மெதுவாக பயணித்து ஒரு இடத்தில் நின்றுவிட்டது.. பயணிகள் அயர்ச்சியுடன் காத்திருக்க சடார்ன்னு பயங்கர சத்தம்… ஒருநிமிடம் பயணிகள் அதிர்ச்சியுடன் பார்க்க.. ( பாகம் 2.. தொடரும்)
Tamil Blogs Traffic Ranking
More than a Blog Aggregator
Thiratti.com Tamil Blog Aggregator
Thenkoodu

சென்னையில் ஒரு நாள் ….

சென்னையில் ஒரு நாள் ….
chennayil oru nall – tamil film review

படத்தைபற்றி சுத்தமாக எதுவும் கேள்விபடாத நிலையில் சென்றிருந்தேன், இதுவாக இருக்குமோ, அதுவாக இருக்குமோ ஒரே என்ன அலை. கொஞ்ச நேரத்திலேயே ஓ இதுவா அது…ன்னு ஸ்ட்ரைக் ஆச்சு. ரொம்ப நேரத்துக்கு அழுவாச்சிதான் போங்க…வராமல் கூட இருந்து இருக்கலாம்ன்னு தோனுச்சு…
t0
உறிதேந்திரான்னு ஒருவர் மூளைச்சாவு ஏற்பட்டு அவருடைய இதயத்தை எடுத்து மற்றொருவருக்கு பொருத்த சென்னையின் ஒரு பகுதியில் இருந்து மற்றொரு பகுதிக்கு மிக விரைவாக செல்ல அப்போதைய பணியில் இருந்த ஒரு உதவி கமிஷனர் உதவியதையும், வெற்றிகரமாக இந்தப்பணி முடிக்கப்பட்டு மற்றொருவருக்கு இதயம் பொருத்தப்பட்டதை கேரளாவில் டிராபிக்ன்னு படம் எடுத்து வெற்றிபெற்றதைப் பார்த்து நம்மாளுங்க தமிழ்லேயும் ஏகப்பட்ட நட்சத்திரக்கூட்டத்துடன் வெளியிட்டிருக்கிறார்கள்.

சேரன் தன் தங்கைக்காக லஞ்சம்வாங்கி மாட்டிக்கொள்ளும் டிராபிக் கான்ஸ்டபிள், அவருடைய மகளாளும் புறக்கணிக்கப் படுகிறார். இதுபோல பல கிளைக்கதைகளை ஒருங்கிணைத்தும், அவ்வப்பொழுது காலை 8 மணி 8.10, 8.20ன்னு வெவ்வேறு கதைகளை காட்டுகிறார்கள் ஒருசில கதைகள் நமக்கு ஒட்டவே மாட்டேங்குது.
t1
ஆனா, தனது நண்பனுடன் முதல் நாள் டிவியில் நேரடி பேட்டி எடுக்க செல்லும் நபர்தான் விபத்தில் சிக்கி மூளைச்சாவு ஏற்படுகிறது. ( ஆக்ஸிடெண்ட் படமாக்கிய விதம் சூப்பர் ). வேலூரில் உள்ள மருத்துவமணையில் சாகக்கிடக்கும் சூப்பர் ஸ்டார் ( பிராகாஷ்ராஜ்/ராதிகா தம்பதி ) மகளுக்கு உடனடியாக மாற்று இருதயம் பொருத்த வேண்டும். மழை பெய்வதால் றெலிகாப்டரில் செல்ல முடியாததால். (சென்னையில் மழை இல்லை) உடனடியாக சென்னையில் மூளைச்சாவு அடைந்தவரின் இருதயத்தை வேலூரில் உள்ள மருத்துவமணைக்கு 1.30 மணி நேரத்தில் கொண்டு செல்லவேண்டும். இடையில் மூளைச்சாவு அடைந்தவரின் பெற்றோர் சம்மதம் கிடைக்க தாமதம், இந்த திட்டத்தை செயல்படுத்த கமிஷனர் ( சென்னைக்கு மட்டுந்தானே, வேலூர்க்கும் இவரே உத்தரவிடுகிறார் ) சரத்குமார் தலைமையில் ஒரு டீம், வண்டியை விரைவாக ஓட்ட டிரைவராக சேரன், கூட செல்ல இறந்தவரின் நண்பர், டாக்டராக சினேகாவின் கணவர் (பிரசன்னா) கிளம்ப மீடியா இதை றைலைட்டாக, பொதுமக்கள் டிராபிக்கை நிறுத்தியதால் கும்பல் போட்டும், ஒரே குழப்ப மயம்.
t2
ஒருவழியாக இருதயம் எடுக்க பெற்றோர் ஒப்புக்கொண்டு, அனைத்துத்திட்டமும் தயார் செய்து வண்டியும் கிளம்பி விடுகிறது. நமக்கு பதற்றம் தொற்றிக்கொள்கிறது. ஆனால், சேரனுக்கு பதற்றமே இல்லாமல் வண்டியை ஓட்டுகிறார்.
ஒரு கட்டத்தில் சேரனுடைய வண்டி எந்த தொடர்பு இல்லாமலும், ஏற்கனவே முடிவு செய்ய வழியில் வராமல் போகவே, கமிஷனர் பொருத்து பார்த்து மிஷன் பெய்ல், எல்லாரும் வீட்டுக்கு போகலாங்கிறார்.

அதற்கப்புறம் ஒருத்தர் யோசனை சொல்ல, வண்டி காணாமல் போன இடத்தில் இருந்து 2 எஸ்எம்எஸ்களை டிரேஸ் செய்து பிரசன்னா ஏற்கனவே ஒரு கொலை முயற்சி செய்துவிட்டு தப்பிக்கிறார்ன்னு தெரியவருது. இடையே, வண்டியை பிளாக் செய்து சேரனை மிரட்டுகிறார். குழப்பம் தெரிந்து ராதிகா போனில் கெஞ்ச, பிரசன்னா இறங்கி வந்து வண்டியை கிளப்ப, வேலூர் செல்ல குறுக்குவழியில் ஏற்கனவே பிளான் செய்த நிமிடங்களை விட 8 நிமிடம் அட்வான்ஸ் ஆக ?
பிறகு கமிஷனர் ஒரு செம ஐடியா கொடுக்கிறார். பைபாஸ் வழியாக சென்றால் 10 நிமிடம் தாமதம் ஆகுமாம் இடையே உள்ள ஒரு குறுகிய பாதை உள்ள ஊர் வழியே சென்றால் 10 நிமிடத்தை மிச்சம் செய்யலாமாம், அதற்காக பிரகாஷ்ராஜ் ரசிகர்கள், திரையுலக பிரமுகர்கள் மீடியாவில் கோரிக்கை விட குறுகிய தெருக்களில் உள்ள தடைகள் எல்லாம் நிமிடத்தில் ரசிகர்களால் அகற்றப்படுகிறது. இருதயம் வேலூர் சென்றடைய சூரியா, மூளைச்சாவு ஏற்பட்டால் உடல் உறுப்புகளை அனைவரும் தானம் செய்யுங்களேன் அட்வைஸ் கொடுக்க, நமக்கு ஒரு மாதிரியாக தலை சுற்ற தியேட்டரை விட்டு வெளியேறினோம்.

ஒரு சில நடிகர்கள், சீரியஸ்னெஸ் தெரியமால் மெதுவாக நடித்திருப்பது நமக்கு எரிச்சலாகிறது.. மற்றபடி, நல்ல முயற்சி, டீம் அனைவருக்கும் நமது வாழ்த்துக்கள்.
Tamil Blogs Traffic Ranking
More than a Blog Aggregator
Thiratti.com Tamil Blog Aggregator
Thenkoodu
valaipookkal.com Tamil Blogs
Udanz
TLIB

ஈகரை தமிழ் வலைத் தளங்களின் தொகுப்பு